Симпли арт од Кина повторно најдобри!

Четиричлениот тим на детското ликовно студио "Симпли арт" од Хонг Конг, Кина, повторно е освојувач на највисокото признание на меѓународната детска ликовна колонија "Мал битолски Монмартр". - Според мислењето на стручњаците, оваа година го имавме најдоброто издание на колонијата, со четириесет учесници кои твореа во Битола, Охрид и во Крушево, каде што затсиноќа во музејот "Македониум" со доделување на наградите, заврши 28. издание на "Мал битолски Монмартр", изјави за МИА Коста Хаџи Антоновски, раководител на детското ликовно студио "Св. Кирил и Методиј" - Битола.