Англиско издание на книгата “Спорот со името“
2 јули (Нетпрес) - Деновиве излезе од печат англиското издание на книгата "Спорот со името-Грција и Македонија“ (“The name issue-Greece and Macedonia“) во редакција на проф. д-р Светомир Шкариќ, Димитар Апасиев и Владимир Патчев.Книгата е всушност ново, изменето, дополнето, проширено и ревидирано издание на македонската верзија, која, како студентски проект на студентите од Правниот факултет „Јустинијан Први“, излезе во 2008 година.
Во англиското издание има значително богати автентичнни документи и материјали (околу 40), изворно земени од архивите на ООН и МНР. Редакторите имаат подготвено и Еепилог во кој на луциден начин го изложуваат својот т.н. Трансценд метод за надминување на овој мачен спор.
Научната вредност на книгата (која има 782 страници текст и 816 фусноти, а структуролошки гледано содржи:предговор, листа на кратенки, вовед, три главни дела со неколку оддели, анекс, епилог, листа на учесници, е потврдена и со Одлука на Наставно-научниот совет на Правниот факултет „Јустинијан Први“ при УКИМ - Скопје.
Radio Republic
Вчитувам,..