Минатата недела медиумите од Англија објавија дека Јунајтед е во обид да го ангажира Златан Ибрахимович со цел да се засили навалната линија по заминувањата на Кристијано Роналдо и Карлос Тевез.

Иднината на Ибта во Интер е тема на дискусија подолго време откако играчот навести дека е подготвен за нов предизвик.

Вчера и екипата на Челзи беше поврзувана со услугите на Швеѓанецот и беше најавувана мега понуда од Абрамович но агентот на напаѓачот, Мино Раиола вели дека Златан не размислува за заминување од Интер.

“Нема никаква вистина во натписите дека Манчестер Јунајтед доставил понуда за Златан.” – рече Мино Раиола за skysports.com.

“Доколку тие доставиле понуда тоа го сториле без мое знаење и без знаење на Интер.”

“Златан е смирен, има уште четири години од договорот со Интер.”

“Тој е среќен на Џузепе Меаца и не размислува за преселба.”