Првиот пациент на денот на хоспитализацијата бил на патување во Лондон, каде ги добива и првите симптоми на грип. По прегледот извршен од лекарската екипа на скопскиот аеродром, пациентот е донесен на Клиниката за инфективни болести со покачена температура, кашлање, треска и општа изнемоштеност.

Вториот пациент е по потекло и живее во САД. Тој неколку дена по пристигнување во Македонија е примен на Клиниката за инфективни болести со болка во грлото, главоболка, изнемоштеност.

Во моментот на Клиниката се хоспитализирани вкупно седум пациенти. За двајца од нив се добиени негативни лабораториски резултати, а за двајца се уште се во тек лабораториските анализи.

Здравствената состојба на сите хоспитализирани лица е стабилна и покажува прогресивно подобрување.